عجيبة هالدنيا ..
وعجيبين هالبشر العايشين فيها ..

شخص بتثق فيه كتير، وبتنزله من قلبك منزلة كبيرة..
بيغلط معك مرة و مرتين وتلاتة ..
عادي مافي مشكلة .. هاي هيه الطبيعة البشرية .. كلنا منغلط ..
(إذا أنت لم تشرب مراراً على القذى <><><> ظمئت وأي الناس تصفو مشاربه)
بس المو عادي هو عدم الاعتراف بالخطأ ..
لما مندخل موضوع الكرامة بالقصة .. ما عادت العلاقة هيك صداقة .. أبداً

وعلى الطرف التاني ..
شخص .. انت بتغلط معو .. أو بالأحرى بتقصر ..
بس الزلمة ما بينتبه .. (أو بالأحرى بيتجاهل الشغلة)
وبيتصل فيك .. وبيعتذر منك على الموقف اللي صار ...

الأول إذا سميته صديق .. بتكون عتبظلم نفسك ..
والتاني إذا سميته صديق ... بتكون عبتظلمه ..


دنياااااا...
صدقوا اللي قالو "الصديق وقت الضيق"
ومعدن الإنسان الحقيقي .. بيبين وقت الضيق والشدة..
في من بتصقله الشدائد، وبتلمعه .. متل ما بيعمل ورق الزجاج بالحديد الصدئ
وبالتالي بتنتبه لإخلاصو حتى ولو كنت قبل الشدة مو منتبهلو ..
وفي أشخاص آخرين .. فالصو ..
إذا جربتو الشدائد، بتحفّه، وبتزيل الطبقة الخارجية .. اللماعة ..
وبيطلع تحتها الوجه الحقيقي ...... الفالصو

صحيح "الناس أجناس" ..
وصحيح "رب أخ لك لم تلده أمك"...